I would like a nice piano arrangement one player.

Lëtzebuerger Lidder däerfen net verluer goen...

Et gëtt ëmmer méi schwéier Wierker erëmzefannen, wann se net eemol archivéiert si ginn, hei ee frappant Beispill: Bruno Granichstaedten: Operette "Sonili" ! Wie war dee Mann?
Deen Numm seet eis net vill an dach huet dee Mann 17 Operetten a Filmmusék geschriwwen.
Den 1 September 1879 zu Wien gebuer ass hien, well e Judd woar, den 1 Oktober 1938, mat Hëllef vun der Eistreichescher Operettendiva Betty Fischer, déi kuurz vierdrunn no Lëtzebuerg ausgewandert war, mat senger Frëndin, d'Operettesängerin Rosalie Kaufmann, no Lëtzebuerg ausgewandert. Hien hat ganz séier "Fouss gefaasst" an eiser Kulturwelt.
Spéziell fir d'Sonja Haagen, dem Hary Haagen seng Duechter, deemols 12 Joer al, huet hien eng Operette "Sonili" geschriwwen, an däer si selwer d'Haaptroll mat Brio gespillt huet . De Josy Imdahl ( * 12.03.1889 am Gronn, + 06.10.1956 zu Duelem ) huet se op lëtzebuegesch iwwersat a si gouf den 15 Dezember 1939 fir d'éischt opgefouert. Den Henri Pensis huet den RTL-Orchester dirigéiert, ënner der Haaptleedung vum Venant Pauké. Duerno gouf d'Operette "Sonili" ëmmerhin nach 12 mol opgefouert.
De Bruno Granichstaedten huet ufangs am "Hôtel de Luxembourg" an der Waassergaass gewunnt an duerno am "Hôtel du Théatre" an der Beaumontsgaass.
Den 19 Januar 1940 ass de Bruno Granichstaedten no New York ausgewandert, mat der Idée "Sonili" do ze verfilmen, mam Shirley Tempel an der Roll vum Sonili. Dozou koum et awer net, hien ass den 30 Mee 1944 gestuerwen.
Vun dëser Operette ass weder een däitscht- nach ee lëtzebuergescht Textbuch nach Noutematerial opzedreiwen. Duerfir hei en Opruff:
Wie weess eppes iwwer d'Operette "Sonili", an der däitscher wéi an der lëtzebuerger Oplo?
Villäicht aus engem vun deenen Hôtelen wou hie gewunnt huet: Besëtzer oder Ugestallten?
Villäicht aus der Famill vun engem vun deenen déi matgewierkt hunn? Op- an hannert der Bühn sou wéi am Orchester. Wie kennt eventuell dat eent oder anert Lidd aus der Operette?
Matgeschafft hunn:
Bruno GRANICHSTAEDTEN, Däitschen Text a Musék,
Josy IMDAHL, huet d'Operette op Lëtzebuergesch iwwersat,
Henri PENSIS, huet den RTL-Orchester dirigéiert,
Léo MAYER als Metzlermeschter Mathias Andillien
Suzanne HELLER als Rousely an Hildchen KLAESS als Madly, seng Duechteren
Hansi KAHN an Josette FELTEN, zwou Frëndinnen
Maria LAZZERI als Madame Everléng , Epicière-Fra.
Marcel KUMMER als Charly, hire Jong, Garagist.
Venant PAUKÉ als Camille Simon, e Moler. Hien féiert och Haapt-Régie.
Sonja HAAGEN als Sonili, dem Camille seng Duechter
Emil HAMPER als Hary, dem Camille säi Frënd.
Valentin KUMMER als Mr. O. Broadwood , ee räichen Amerikaner.
Renée WEBER als Evelyne, seng Duechter.
Margerite NICKELS als Madame Trierweiler.
Madeleine LAMBERTS als Madame Hames.
Roger WARNIER als Bréifdréier
Jules a Marcel van DIEVOET sinn zoustänneg fir Décorsen.

Gibt es zu dieser Zauberoper ein Textheft hierzu. Die Rundfunkaufnahme des BR mit Jan Koetsier habe ich, aber leider keinen Text dazu.